खबरकट्टा/चंद्रपूर:
नागपूर प्रादेशिक हवामान केंद्राने दिलेल्या सूचनेनुसार 21 ते 25 जुलै, 2023 या कालावधीत चंद्रपूर जिल्ह्यासाठी अलर्ट जारी केला आहे. यात 21 जुलै, 2023 या कालावधीत चंद्रपूर जिल्ह्यात रेड अलर्ट असून या कालावधीत जिल्ह्यात सर्वत्र विजांच्या कडकडाटासह वादळ आणि काही ठिकाणी मुसळधार ते अति मुसळधार पाऊस होण्याची शक्यता वर्तवली आहे. तसेच दिनांक 22 जुलै, 2023 या कालावधीत ऑरेंज अलर्ट जारी केलेला आहे. या कालावधीत जिल्ह्यात विजांच्या कडकडाटासह वादळ आणि काही ठिकाणी मुसळधार पाऊस होण्याची शक्यता आहे. तर 23 ते 25 जुलै, 2023 या कालावधीत यलो अलर्ट जारी केलेला आहे. जिल्ह्यात काही ठिकाणी हल्का ते मध्यम पाऊस पडण्याची अत्याधिक संभावना व्यक्त केली आहे.
या सूचना अधिक बारकाईने समजून घेऊया.
यलो अलर्ट - यलो अलर्ट ही धोक्याची पहिली घंटा आहे. जेव्हा हवामान खात्याने यलो अलर्ट जारी केला तेव्हा ते तुम्हाला सतर्क राहण्यास सांगतात. हवामानावर लक्ष ठेवावे लागेल.
ऑरेंज अलर्ट - दुसरी अलार्म घंटा. जेव्हा हवामान आणखी बिघडते, तेव्हा इशाऱ्याचा रंग पिवळा ते नारिंगी होतो. याचा अर्थ असा की आता तुम्हाला फक्त लक्ष ठेवावे लागणार नाही तर इकडे तिकडे जाणे देखील टाळावे लागेल आणि जाणे आवश्यक असेल तर अतिरिक्त खबरदारी घ्यावी लागेल.#khabarkatta chandrapur
रेड अलर्ट - याचा सरळ अर्थ असा आहे की सावध राहा, आता धोका तुमच्या समोर आहे. जेव्हा हवामान खराब होते आणि मोठ्या प्रमाणात नुकसान होण्याची शक्यता असते, तेव्हा हवामान खात्याने रेड अलर्ट जारी केला. रेड अलर्ट जारी झाल्यास सर्व नियमांचे पालन करावे आणि हवामान खात्याकडून ग्रीन सिग्नल मिळाल्यावरच घराबाहेर पडावे.#khabarkatta chandrapur
ग्रीन अलर्ट - आम्ही वर नमूद केल्याप्रमाणे, हा इशारा नाही. त्यापेक्षा आम्हाला कोणतीही अडचण येणार नाही हा दिलासा आहे. तीव्र हवामानानंतर जेव्हा परिस्थिती सामान्य होते, तेव्हा हवामान खात्याने ग्रीन अलर्ट पाठवला, याचा अर्थ आता आपण सुरक्षित असल्याचे समजू शकतो.#khabarkatta chandrapur
