खबरकट्टा / चंद्रपूर :
चंद्रपूर जिल्हा काँग्रेस ग्रामीण जिल्हाध्यक्ष्यांचा वाद निवळला असून 13 जुलै ला कांग्रेसचे राष्ट्रीय सचिव के सी वेणूगोपाल यांनी चंद्रपूर ग्रामीण जिल्हाध्यक्ष पदाबाबत प्रेस रिलीज जाहीर केली आहे.या पात्रात आमदार सुभाष धोटे यांची चंद्रपूर कांग्रेसच्या ग्रामीण जिल्हाध्यक्ष पदी नियुक्ती करण्यात आल्याचे नमूद आहे.
जिल्हा काँग्रेस कमेटीच्या ग्रामीण जिल्हाध्यक्ष पदावरून मागील काही दिवसात असलेला संभ्रम दूर झाला असला तरी मात्र या नियुक्तीनंतर आता ग्रामीण जिल्हाध्यक्ष या पदावरून नवा वाद समोर येण्याची चर्चा काँग्रेस च्या सर्व गटात आहे.
सुभाष धोटे यांचे पुतणे शंतनू धोटे हे युवक काँग्रेस चे ग्रामीण जिल्हाध्यक्ष असल्याने एकाच घरात काँग्रेस च्या महत्वाच्या दोन कमिट्याची जिल्हाध्यक्ष पदे नियुक्त झाल्याची ही पहिलीच वेळ असावी. याकडे काँग्रेस च्या अनेक स्थानिक पदाधिकारी व कार्यकर्त्यांमध्ये कुजबुज सूरू आढळते.
