अवैधरित्या कत्तली करीता घेऊन जाणारे जनावर, तस्कराचे हातून केले मुक्त

खबरकट्टा/चंद्रपूर:

दि. 14/02/2023 रोजी गोपनिय माहिती मिळाली की. नागभीड हद्दीतून काम्पा मार्गाने 3 मालवाहू आयचर गाडयामध्ये अवैध्यरित्या जनावर भरून कत्तली करीता तेलंगाना राज्यातघेवून जाणार आहे. अशा खात्रीशीर खबरे वरून स्थानिक गुन्हे शाखेचे पो. नि. महेश कोडावार यांनी पो. हवा. सुरेंद्र महतो ना. पो. कॉ. दिपक डोंगरे, गणेश मोहुर्ले, दिनेश अराडे, पो. कॉ. गणेश भोयर, विनोद जाधव यांचे पथक कारवाई करीता नेमून मदती करीता पो.स्टे. नागभीड स.पो.नि. कोरवते. पोउपनि साखरे यांना आदेशीत केले.

सदर पथक मिळालेल्या खबरे प्रमाणे बामणी बस स्टॉप समोर साफळा लावून व काही कर्मचारी यांनी नाकाबंदी केली असता. खबरे प्रमाणे काम्या मार्गे 3 आयचर वाहन येताना दिसले. सदर वाहन थांबवून पाहणी केली असता वाहनामध्ये एकूण 47 गोवंशीय जनावर मिळून आले. जानावरांची वाहतुक करणारे नामे 1) मोहम्मद कासीम मुस्तकीम शेख वय 46 वर्षे रा. शिवानगर वार्ड नगभीड जि. चंद्रपूर 2) समीर अक्रम खान व 34 वर्षे रा. जांभुळ घाट ता. चिमुर जि.चंद्रपूर 3) सैयद कोसार सैयद सालार वय 38 वर्षे रा. मौलाना आझाद उर्दु शाळे जवळ मंगरुळपर जि. वाशीम 4) अशोक सदाशिव ठोंबरे दय 70 वर्षे रा.बेलखेड ता. मंगरूळपिर जि. वाशीम 5) मोहम्मद मोहसिन मोहम्मद रफीक वय 32 वर्षे रा.आसेगाव ता. मंगरूळपिर जि. वाशीम यांना अटक करण्यात आली. जनावरे एकूण कि. 4.70,000/- रू.व गाडीची कि. 36,00,000/- रू. असा एकूण 40.70.000/- रूमाल ताब्यात घेतला. नमुद आरोपीता विरूद्ध पो.स्टे. नागभीड येथे अप 58 / 2023 कलम 5 (अ).9 महाराष्ट्र प्राणी संरक्षण अधिनीय 1976 सुधारीत 2015. सह कलम 11(1)(ड) भारताचा प्राण्यास निर्दयतेने वागविणे प्रतिबंधक अधिनियम 1960 अन्वये दाखल करण्यात आला.

सदरची कारवाई पोलीस अधीक्षक श्री. रविंद्रसिंह संतोषसिंह परदेशी, अपर पोलीस अधीक्षक रिना जनबधु यांचे मार्गदर्शनात पोलीस निरीक्षक महेश कोडावार यांचे नेतृत्वात पो. स्टे नागभीड स. पो. नि. कोरवते. पोउपनि साखरे व स्थानिक गुन्हे शाखेचे पो. हवा. सुरेंद्र महतो ना. पो. कॉ. दिपक डोगरे, गणेश मोहुले, पोको गणेश भोयर, विनोद जाधव व पो.स्टे नागभीड चे पो स्टॉफ यांचे मदतीने केली असुन गुन्हयाचा पुढील तपास पो.स्टे. नागभीड हे करीत आहे