खबरकट्टा / चंद्रपूर : 
विधानसभा निवडणुका जसजशा जवळ येत आहेत, तसतशी राजकीय पक्षांतील अंतर्गत भांडणेही समोर येऊ लागली आहेत. चंद्रपूर जिल्हा महिला काँग्रेसच्या जिल्हाध्यक्ष नम्रता ठेमस्कर यांनी आज पक्षाच्या खासदार प्रतिभा धानोरकर यांच्यावर गंभीर आरोप करत आपल्या पदाचा राजीनामा दिला आहे.#congress
चंद्रपूर जिल्ह्यातील काँग्रेसचे ज्येष्ठ नेते केवळ पक्षात घराणेशाहीला चालना देत असून, पक्षाचे कार्यकर्ते व अल्पसंख्याक समाजातील लोकांकडे दुर्लक्ष करून आपल्या कुटुंबातील सदस्यांना निवडणुकीत उतरविण्याचा प्रयत्न करीत असल्याचा आरोप नम्रता ठेमस्कर यांनी केला आहे.राजीनामा देताना ठेमस्कर यांनी काँग्रेसच्या खासदार प्रतिभा धानोरकर यांच्यावर थेट हल्ला चढवला. त्या म्हणाल्या की, प्रतिभा धानोरकर या केवळ त्यांच्या कुटुंबाचा आणि समाजातील निवडक लोकांचा पक्षात प्रचार करत आहेत.
त्यामुळे काँग्रेसमधील महिला व अल्पसंख्याक समाजाच्या कार्यकर्त्यांवर अन्याय होत आहे. कामगारांनी वारंवार विनंती करूनही त्यांच्या संस्थेतील योगदानाकडे दुर्लक्ष केले जात आहे.
