भाजपा युवा मोर्चाचे जिल्हा उपाध्यक्ष ओम पवार यांच्या नेतृत्वात तहसीलदार यांचे मार्फत कृषिमंत्र्यांना निवेदन
खबरकट्टा /चंद्रपूर :कोरपना :
कोरपना - तालुक्यातील तूर उत्पादक शेतकऱ्यांना आर्थिक मदत देण्यात यावी या मागणीसाठी भाजपा युवा मोर्चाचे जिल्हा उपाध्यक्ष ओम पवार यांच्या नेतृत्वात तहसीलदार यांचे मार्फत कृषिमंत्र्यांना निवेदन देण्यात आले.
कोरपना तालुका हा कृषिप्रधान तालुका म्हणून ओळखला जातो. या तालुक्यातील तूर उत्पादनाला वाळवी लागल्याने मर रोगाची लागण झाली आहे. यातच शेतकऱ्यांचे हाती आलेले पिक भुईसपाट होण्याच्या मार्गावर आहे. त्यामुळे शेतकऱ्याच्या बदलण्याचे मोठे नुकसान होत आहे. यावर शासनाने तातडीने पंचनामे करून संकटग्रस्त शेतकऱ्यांना आर्थिक मदत यावी अशी अपेक्षा दिलेल्या निवेदनातून करण्यात आली आहे. याप्रसंगी दिनेश खडसे राहुल पायघन अमोल चौधरी नारायण राठौड सह मोठ्या संख्येने शेतकरी व भाजपा युवा मोर्चाचे कार्यकर्ते उपस्थित होते.
