खबरकट्टा / चंद्रपूर :
चंद्रपूर जिल्हा राष्ट्रवादी काँग्रेस चे जिल्हासचिव नयन साखरे यांना 35हजाराची खंडणी वसुली करताना रामनगर पोलिसांनी रांगेहाथ अटक केल्याने राजकीय खांदनीखोरांच्या वसुलीचा वाढता जाच शहरारत चर्चेचा विषय आहे.
थोडक्यात माहितीनुसार सहाय्य्क उपप्रादेशिक परिवाहन अधिकारी मेश्राम यांना नयन साखरे महिन्याला 50हजार रुपये खंडणीची वारंवार मागणी करत होता. त्या जाचाला कंटाळून मेश्राम यांनी रामनगर पोलीस ठाण्यात तक्रार नोंदविली असता 35हजार रुपये खंडणी सहीत नयन साखरे यांना रांगेहाथ पकडण्यात आल्याची माहीती आहे.
यापूर्वीही जिल्हा RTO कार्यालयात वसुली मागण्याचे अनेक प्रकार समोर आले असून कोणीही लहान सहान राजकीय पद घ्या व अधिकाऱ्यांना हप्ते मागा असा ट्रेंड सध्या प्रचलीत होत आहे.
नयन साखरे हा मागील काही दिवसापासून सतत उपप्रादेशिक परिवहन अधिकारी कार्यालयात जाऊन मोबाईल चित्रिकरण करत होता.त्यानंतर अधिकाऱ्यांना भ्रमणध्वनीद्वारे सतत पैशाची मागणी करीत होता .” सर सलामत तो पगार पचास हजार ” हा त्याच्या अधिकाऱ्यांशी बोलताना फेमस डायलॉग होता .दर महिने पन्नास हजार रुपये द्या अशी त्यांने मागणी केली होती . चार दिवसापूर्वी नयन साखरे विरुद्ध उपप्रादेशिक परिवहन अधिकारी कार्यालयाने जिल्हा पोलीस अधीक्षक अरविंद साळवे यांच्याकडे तक्रार केली होती.
या तक्रारीचा तपास सुरू होतादरम्यान पन्नास हजार रुपयांवरून (35) हजारात सेटलमेंट झाले . शुक्रवारी दुपारी 35 हजार रुपयांची खंडणी घेत असताना पोलिसांनी रंगेहात पकडले.उपप्रादेशिक परिवहन अधिकारी कार्यालयाच्या तक्रारीनंतर पोलीस अधीक्षक अरविंद साळवे यांनी हा तपास सायबर सेलकडे दिला होता . या दरम्यान भ्रमणध्वनीवर झालेले संभाषण ही मिळविण्यात आले होते.शुक्रवारी ही घटना घडल्यानंतर रात्री उशिरापर्यंत तपास सुरू होते . त्यामुळे कारवाईची उर्वरित माहिती मिळू शकली नाही . या कारवाईमुळे राष्ट्रवादी काँग्रेसच्या अंतर्गत वर्तुळात खळबळ उडाली आहे
