खबरकट्टा / चंद्रपूर : गडचांदूर- 
गडचांदूर येथील शरदराव पवार महाविद्यालयाच्या गुणवत्ता हमी कक्ष(IQAC) विभागाच्या वतीने देशभरातील उच्च शिक्षणामध्ये गुणवत्ता वाढीसाठी नामांकन देणाऱ्या नॅक या राष्ट्रीय संस्थेची नवीन मूल्यमापन प्रणाली या विषयावर शासनाच्या कोविड-19 नियमांचे पालन करून कार्यशाळा आयोजित करण्यात आली होती.
या कार्यशाळेचे तज्ञ मार्गदर्शक म्हणून रूब्रिकस प्रायवेट लिमिटेड चे संचालक आणि नॅक प्रणाली चे अभ्यासक आणि तज्ञ मार्गदर्शक डॉ.संचित नरवाडकर(पुणे) उपस्थित होते याप्रसंगी डॉ. नरवाडकर यांनी नॅक प्रणालीच्या नवीन घटकांची माहिती देऊन महाविद्यालयांनी गुणवत्ता वाढवण्यासाठी नेमके कोणते उपक्रम केले पाहिजे त्याचप्रमाणे नॅक या मूल्यमापन संस्थेला कोणत्या महत्त्वाच्या गोष्टी अभिप्रेत आहे याविषयी सविस्तर माहिती दिली.
