🐒 नळ योजनेच्या पाण्याच्या टाकीत माकड मेल पिंपळगाव वासीय तीन दिवसापासून पीत होते दूषित पाणी : पिंपळगाव भोसले ग्रामपंचायती मधील सचिव व प्रशासकाचा भोंगळ कारभार....#monkey-died-in-water-tank

खबरकट्टा / चंद्रपूर : ब्रम्हपूरी:- 

ब्रह्मपुरी तालुक्यातील सर्वात मोठी लोकसंख्या ची लोकसंख्या असलेल्या पिंपळगाव (भो) येथे वैनगंगा नदी वरून पाणीपुरवठा होत आहे गावात पाणीपुरवठा करण्यासाठी जिल्हा परिषद शाळेजवळ पाण्याची टाकी बांधण्यात आली आहे या पाण्याच्या टाकी जवळ नेहमीच माकडांचा वावर असते. अशा या पाण्याच्या टाकीत तीन-चार दिवसांपूर्वी एक माकड पडुन मरण पावले असावेत. परंतु ही घटना ग्रामपंचायत प्रशासनाच्या लक्षात आली नाही दिनांक 3 डिसेंबर ला नळाच्या पाण्यातून अळ्या व माकडाचे केस तसेच पाण्याला खाण वास येत असल्याने नागरिकांनीही बाब पाणीपुरवठा करणाऱ्या कर्मचाऱ्यांच्या लक्षात आणून दिली. 

तेव्हा कुठे टाकीत काय पडले आहे याची चौकशी केली असता तिथे माकड पडून असल्याचे आढळून आले. त्यामुळे पिंपळगाव वाशी यांच्या आरोग्याचा प्रश्न उपस्थित होत आहे शासनाने ग्रामपंचायतीवर प्रशासकाची नेमणूक केली परंतु प्रशासकाला गावाच्या समस्या बाबत काही देणे घेणे नाही असेच या घटनेवरून दिसून येत आहे.

पिंपळगाव येथील नागरिक गेले तीन चार दिवसापासून नळाचे दूषित पाणी पित आहेत. त्यामुळे त्यांच्या आरोग्यावर याचा विपरीत परिणाम होऊ शकतो येथील पाणीपुरवठा करणाऱ्या कर्मचाऱ्याला विचारले असता मी टाकीचे झाकण लावले होते.परतु त्यावर लावली असलेली जाळी जिर्ण झालेली असल्याने माकडाने ती तोडली असावी. 

त्यातूनच हे माकड टाकीच्या पाण्यात पडले असावे असे म्हणणे पाणीपुरवठा कर्मचारी याचे आहे. गावकऱ्यांच्या आपण तीन चार दिवसापासून दूषित पाणी पीत असल्याचे लक्षात येताच प्रशासकाच्या भोंगळ कारभारावर संताप व्यक्त करत आहेत. आमच्या आरोग्याशी ग्रामपंचायत सचिव व प्रशासक खेळ करत असल्याचे बोलल्या जात आहे ‌. याबाबत सचिव यांना विचारणा केली असता याबाबतीत मला काही माहीत नसल्याचे सांगितले.