राजुरा तालुक्यातील तुलना येथील 18 वर्षीय युवकाचा मृत्यू झाल्याची घटना उघडकीस आली असून वृत्तलिहेस्तव मृतदेह सापडला नव्हता.
थोडक्यात माहिती नुसार आज दिनांक 19 नोव्हेंबर ला राजुरा तालुक्यापासून 10 किलोमीटर अंतरावर तुलना येथील तलावात आज दुपारी दोन वाजताच्या दरम्यान काही युवक पोहण्यास गेले होते. दरम्यान पोहोताना सेवन ठाकरे नामक युवक खोलात बुडत गेला असल्याची माहिती त्याच्या मित्रांनी गावकऱ्यांना दिली.
गावकऱ्यांनी तात्काळ विरूर पोलीस ठाण्यास माहिती दिली असतात.एएसआय सफदर खान पठाण, जमादार सुनील राऊत, लक्ष्मीकांत खंडाळे, प्रल्हाद जाधव, पोलीस पाटील विनोद खनके गोताखोर दादाजी पचारे,रमेश, तुकाराम मडावी पाण्यात बुडालेल्या मृतदेहाचा शोध घेत आहेत. सायंकाळची वेळ असल्याने गोताखोरांना शोध घेण्यास अडचणी येत आहेत. सायंकाळी 7 वाजता बातमी लिहेपर्यंत मृतदेहाचा शोध लागला नव्हता.