खबरकट्टा / चंद्रपूर : बल्लारपूर :- 
बल्लारपूर विसापूर फाट्याजवळ असलेल्या जवळपास 200 मीटर अंतरावर झुडपी जंगल आहे. त्या जंगलामध्ये इशांत परकोटवर वय 33 राहणार गणपती वार्ड बल्लारपूर या युवकाचा संशयास्पद अवस्थेत मृतदेह आढळून आला आहे.
थोडक्यात माहितीनुसार दिनांक 23 नोव्हेंबर ला सायंकाळी 5 वाजताच्या दरम्यान विसापूर फाट्याजवळ एका युवकाला दुर्गंधी चा वास येवू लागला, त्यामुळे त्याने जवळ जावून पाहले असता त्याला बेवारस अवस्थेत एक मृतदेह आढळून आल्याने याची माहिती त्याने पोलिसांना दिली.
पोलिसांनी घटनास्थळ गाठून घटनेचा पंचनामा करून मृतदेह शवविच्छेदन करण्याकरिता ग्रामीण रुग्णालय बल्लारपूर येथे पाठविण्यात आला.
संबंधित युवकाजवळ विषाची बॉटल व इलेक्ट्रिक बिल मिळाले त्यामुळे सदर युवक बल्लारपूर येथील रहिवासी असल्याचे व 4 दिवसांपासून बेपत्ता असल्याचे कळते. अधिक तपास बल्लारपूर पोलीस करीत आहे.
