खबरकट्टा / चंद्रपूर :राजकीय : गोमती पाचभाई 
चंद्रपूर काँग्रेस ग्रामीण जिल्हाध्यक्ष प्रकाश देवतळे (Congress district president Prakash Devtale) यांना कार्यमुक्त करण्यात आले आहे. काँग्रेसचे प्रदेश अध्यक्ष नाना पटोले यांच्या निर्णयाविरोधात विजय वडेट्टीवारांच्या नागपूर येथील घरी आज बैठक पार पडली. यात प्रामुख्याने ग्रामीण चंद्रपूरचे जिल्हाध्यक्ष प्रकाश देवतळे यांच्यावर पदमुक्त कारवाई मागे घेण्याची मागणी या बैठकीत करण्यात आली. या निवडणुकीवरून आमदार विजय वडेट्टीवार (MLA Vijay Wadettiwar ) यांची प्रतिष्ठापणाला लागली आहे.
चंद्रपूर जिल्हा कृषी उत्पन्न बाजार समितीच्या निवडणुकीत भाजपाशी युती करून निवडणूक जिंकल्यानंतर आनंदात ढोलताशा व गुलालाची उधळण करत भाजपा जिल्हाध्यक्षांसोबत (BJP district president Deorao Bhongle) डान्स करणारे काँग्रेस जिल्हाध्यक्ष प्रकाश देवतळे (Congress district president Prakash Devtale) यांना कार्यमुक्त करण्यात आले आहे. या निवडणुकीवरून आमदार विजय वडेट्टीवार (MLA Vijay Wadettiwar )आणि खासदार बाळू धानोरकर (MP Balu Dhanorkar) यांच्यात असलेलं शीतयुद्ध उघड झालेलं आहे.खासदार बाळू धानोरकर गटाचे दिनेश चोखारे यांचा पराभव केल्यानंतर ढोलताशा व गुलालाची उधळण करत काँग्रेस जिल्हाध्यक्ष प्रकाश देवतळे यांनी आनंद व्यक्त केला होता.
बाजार समितीच्या निवडणुकीच्या निकालानंतर राजकीय वातावरण चांगलेच तापले आहे. महाराष्ट्रातील काँग्रेसचे एकमेव खासदार असलेल्या चंद्रपूरचे खासदार धानोरकर आणि माजी पालकमंत्री ब्रह्मपुरी विधानसभेचे आमदार यांच्यामध्ये आता शितयुद्ध सुरू झाले आहे. कृषी उत्पन्न बाजार समिती निवडणूक पार पडली. यामध्ये काँग्रेसला चांगले यश मिळाले. मात्र चंद्रपूर शहरालगत असलेल्या चंद्रपूर कृषी उत्पन्न बाजार समितीत काँग्रेस आणि भाजपने हात मिळवणी केली.
देवतळे व भोंगळे यांचे व्यावसायिक संबध या युतीमुळे उघडकीस आल्याची चर्चा राजकीय गटात असून यापुढे देवतळे लवकरच भाजप प्रवेश करणार या चर्चानां जिल्हाभर उधाण आलेले आहे. त्यासोबतच काँग्रेसमधील अनेक मध्यमफळीतील नेते भाजप प्रवेशकरिता इच्छुक असून भाजप नेत्यांच्या भेटी गाठात असल्याचे सूत्रांकळून कळते.
स्थानिक पातळीवरील कोणत्याही निवडणुकीमध्ये भाजपा किंवा त्यांच्यासोबत सत्तेत सहभागी असलेल्या कोणत्याही पक्षासोबत आघाडी करू नये अशा स्पष्ट सूचना प्रदेश कार्यालयाकडून देण्यात आल्या होत्या. तरीही काँग्रेस अध्यक्ष देवतळे यांनी उघडपणे भाजपासोबत हातमिळवणी करून प्रत्यक्ष सहभाग घेतला, ही बाब पक्षशिस्तीच्या विरोधातली असून प्रदेश काँग्रेसच्या आदेशाला न जुमानणारी आहे. त्यामुळे त्यांना चंद्रपूर ग्रामीण जिल्हा काँग्रेस कमिटीच्या अध्यक्षपदावरून आदेशाला न जुमानणारी आहे. त्यामुळे त्यांना चंद्रपूर ग्रामीण जिल्हा काँग्रेस कमिटीच्या अध्यक्षपदावरून कार्यमुक्त करण्यात आले. त्यांचा प्रभार पुढील आदेशापर्यंत चंद्रपूर शहर जिल्हा काँग्रेस कमिटीचे अध्यक्ष रितेश तिवारी (City District Congress Committee President Ritesh Tiwari ) यांच्याकडे सोपविण्यात आला आहे.
या सर्व विषयावरून पटोले व वडेट्टीवार यांच्यात आज चांगलेच वातावरण तापले असून पटोले यांनी प्रकाश देवतळे यांच्याबद्दल बंद खोलीत निर्णय घेतला जाईल तर् वडेट्टीवार यांनी काँग्रेस नेत्यांना सांभाळून बोलण्याचा सल्ला दिला.
