जमिनीचे फेरफार करण्यासाठी शंकरपूर चिमूर येथील मंडळ अधिकारी यांनी 7 हजार रुपयांच्या लाचेची मागणी केली होती, या प्रकरणी मंडळ अधिकारी बुराडे यांना लाच प्रकरणी लाचलुचपत प्रतिबंधक विभाग चंद्रपूर ने अटक केली आहे. Bribe
फिर्यादी हे मौजा डोंगरगाव येथील रहिवासी असून आजोबांच्या नावे असलेल्या जमिनीचे त्यांच्या मृत्यू पत्रानुसार फेरफार करायची होती, यासाठी त्यांनी मंडळ अधिकारी कार्यालयात अर्ज केला होता.
मात्र सदर काम करण्यासाठी मंडळ अधिकारी धनंजय बुराडे यांनी सदर काम करून देण्यासाठी 7 हजार रुपयांच्या लाचेची मागणी केली.
बुराडे यांच्यासोबत कोतवाल राहुल सोनटक्के, तलाठी कार्यालय किटाळी, चिमूर यांचा ही या प्रकरणी सहभाग होता, दोघांनी तडजोडीअंती 5 हजार रुपयांची लाच मागितली.
मात्र फिर्यादीला पैसे देण्याची इच्छा नसल्याने त्यांनी याबाबत चंद्रपूर लाचलुचपत विभाग येथे तक्रार दिली.
तक्रार प्राप्त झाल्यावर 17 व 18 फेब्रुवारीला लाचलुचपत विभागाने तक्रारीची पडताळणी केली, दोघांनी लाचेची मागणी केल्याची बाब स्पष्ट झाल्याने लाचलुचपत विभागाने दोघांविरुद्ध भिसी पोलीस स्टेशनमध्ये तक्रार कारवाई सुरू करण्यात आली आहे. Bribery crime