खबरकट्टा / चंद्रपूर : चिमूर तालुका प्रतिनिधी -
पोलिस ठाणे चिमूर येथे आज दि. २१/११/२०२० रोजी उपविभागीय पोलीस अधिकारी नितीन बगाटे ( भा.पो.से.) यांचे उपस्थितीत पोलीस ठाणे चिमूर येथील मंगेश मोहोड, अलीम शेख व पोलीस कर्मचारी यांनी धडक मोहीम राबवून चिमूर शहरातील महामार्गावरील वाहतुकीस अडथळे असणारे दुकान, वाहने, ठेले, भाजीपाला दुकान हे रस्त्याचे बाजूला करून नो पार्किंग वाहनांवर कारवाई करण्यात आल्या.
तसेच दुकानदार व नागरिकांना रस्त्यावर दुकान व वाहने न लावण्याबाबत सूचना देण्यात आल्या.यापुढे सूचनांचे पालन न झाल्यास कडक कारवाईचे पोलिसांनी संकेत दिले आहेत.
