खबरकट्टा / चंद्रपूर : ब्रम्हपुरी :
ब्रम्हपुरी तालुक्यातील खरकाडा येथील व्यायाम करण्याकरिता गेलेल्या दोन युवकांना पहाटे साडेचारच्या दरम्यान विद्यानगर रुई जवळ अज्ञात वाहनाने चिरडल्याने दोघांचा जागीच मृत्यू झाल्याची घटना 9 ऑक्टोंबर ला घडली. खरकाडा येथील प्रशांत मुरलीधर सहारे (वय 20) व रोहित अशोक चट्टे ( वय 20 ) असे मृतकांचे नावे आहेत.
रोजच्याप्रमाणे प्रशांत व रोहित हे खरकाडा वरून आपल्या मित्रांसोबत मॉर्निंग वाक करिता खरकाडा ते आरमोरी मार्गावर जात होते 9 ऑक्टोंबर च्या पहाटे विद्यानगर रुई जवळील राईस मिल जवळ रस्त्याच्या कडेला प्रशांत व रोहित हे व्यायाम करीत असताना अज्ञात वाहनाने दोघांनाही चिरडले.
काही मित्र समोर गेले होते प्रशांत, रोहित हे एकत्र राहायचे प्रशांत व रोहितच्या अपघाताने खरकाडा गावात शोककळा पसरली आहे.
या घटनेची माहिती मिळताच ब्रम्हपुरी चे ठाणेदार खाडे, एपीआय बन्सोड व बीट जमादार गेडाम घटनास्थळी दाखल झाले व मृतदेह ताब्यात घेऊन शवविच्छेदनाकरिता ब्रम्हपुरी ग्रामीण रुग्णालयात नेले. अज्ञात वाहनाचा शोध लावण्याची मागणी या वेळी उपस्थितांनी केली.
