प्रकल्पग्रस्त चढले सिएसटीपिएस च्या चिमणीवर :पाच पुरुष व तीन महिलांचा समावेश : सीआयएसएफच्या सुरक्षेवर प्रश्नचिह्न ! #cstps - Khabarkatta ✒ खबरकट्टा

                     Khabarkatta  ✒ खबरकट्टा

Reg.UAM No.MH08D0024084 खबरकट्टा फक्त न्यूज वेबसाईट नसून या माध्यमाच्या साहाय्याने सामाजिक, राजकीय, व्यासायिक, जाणिवेतून फक्त बातमी किंवा खबर याच्याही पलीकडे जाऊन जनमानसांना खंबीर उभे राहण्याचे सामर्थ्य देणारे व्यासपीठ - अभिषेक वांढरे, चंद्रपूर (एक वाचक) """जागरूक रहा : वाचत रहा""'

प्रकल्पग्रस्त चढले सिएसटीपिएस च्या चिमणीवर :पाच पुरुष व तीन महिलांचा समावेश : सीआयएसएफच्या सुरक्षेवर प्रश्नचिह्न ! #cstps

Share This
खबरकट्टा / चंद्रपूर : 

देशात कोरोना लॉकडाऊन स्थितीत स्थायी नोकरी नसलेला प्रत्येक व्यक्ती आर्थिक विवंचनेत सापडलेला आहे. अश्यातच ज्यांची शेती प्रकल्पांमध्ये गेली व मोबदला किंवा नोकरी मिळाली नाही अश्या शेतकऱ्यांना मजुरीशिवाय पर्याय नाही. प्रकल्प पीडितांची व्यथा कागदोपत्री कोणीही ऐकून घेण्याच्या स्तिथीत नसल्याने नाईलाजास्तव अनेक ठिकाणी मागणी पूर्ण करवून घेण्याकरिता वेगवेगळे आंदोलनात्मक मार्ग अवलंबावे लागतात. 

अश्याच काही प्रकल्प पीडित येथील वीज केंद्रासाठी जमीन देणाऱ्या प्रकल्पग्रस्तांना नोकरी देण्यास कमालीचा विलंब होत असल्यानं आज आठ प्रकल्पग्रस्त वीज केंद्रातील चिमणीवर चढून आंदोलन करीत आहेत.

पिडीतांनी समाज माध्यमांवर जारी केलेल्या चित्रफितीनुसार वीज केंद्रातील नऊ क्रमांकाच्या संचाच्या चिमणीवर हे आंदोलक चढले असून यात पाच पुरुष व तीन महिलांचा समावेश असल्याचं सांगण्यात येतं.

वीज केंद्रासाठी परिसरातील शेकडो शेतकऱ्यांच्या जमिनी अधिग्रहित करण्यात आल्या. मोबदल्यात एक स्थायी नोकरी देण्याचा करार वीज कंपनीने केला होता. मात्र अनेक वर्षे उलटूनही नोकऱ्या देण्यात आलेल्या नाहीत. त्यामुळं प्रकल्पग्रस्तांनी आज ही विरुगिरी केली. 

हा संपूर्ण परिसर सीआयएसएफच्या संरक्षणात आहे. तरीही हे आंदोलक चिमणीवर चढल्यानं आश्चर्य व्यक्त होत आहे. सध्या घटनास्थळी सर्व वरिष्ठ अधिकारी पोचले असून, आंदोलकांना खाली उतरण्याचं आवाहन करीत आहेत. मात्र आंदोलक नियुक्तीपत्र देण्याची मागणी करीत आहेत.