चंद्रपूर जिल्ह्यातील ब्रम्हपुरी तालुक्यातून ८ कोरोना बाधित चंद्रपूर जिल्हयातील आतापर्यंतची बाधित संख्या ११० उपचार घेणारे कोरोना बाधित ५४ आतापर्यत ५६ कोरोनातून बरे ब्रम्हपुरी तालुक्यातून ८ बाधित - Khabarkatta ✒ खबरकट्टा

                     Khabarkatta  ✒ खबरकट्टा

Reg.UAM No.MH08D0024084 खबरकट्टा फक्त न्यूज वेबसाईट नसून या माध्यमाच्या साहाय्याने सामाजिक, राजकीय, व्यासायिक, जाणिवेतून फक्त बातमी किंवा खबर याच्याही पलीकडे जाऊन जनमानसांना खंबीर उभे राहण्याचे सामर्थ्य देणारे व्यासपीठ - अभिषेक वांढरे, चंद्रपूर (एक वाचक) """जागरूक रहा : वाचत रहा""'

चंद्रपूर जिल्ह्यातील ब्रम्हपुरी तालुक्यातून ८ कोरोना बाधित चंद्रपूर जिल्हयातील आतापर्यंतची बाधित संख्या ११० उपचार घेणारे कोरोना बाधित ५४ आतापर्यत ५६ कोरोनातून बरे ब्रम्हपुरी तालुक्यातून ८ बाधित

Share This
खबरकट्टा / चंद्रपूर : 

गुरुवारी रात्री चंद्रपूर जिल्ह्यातील पॉझिटिव्ह रुग्णांची संख्या १०२ झाली होती. त्यामध्ये शुक्रवारी सायंकाळी भर पडली असून ब्रह्मपुरी तालुक्यातून एकूण ८ पॉझिटिव्ह रुग्ण पुढे आले आहेत. त्यामुळे चंद्रपूर जिल्ह्यातील आत्तापर्यंतच्या कोरोना पॉझिटिव्ह रुग्णांची संख्या ११० झाली आहे.

जिल्हा आरोग्य यंत्रणेने दिलेल्या माहितीनुसार आता जिल्ह्यामध्ये उपचार घेत असलेल्या कोरोना बाधित रुग्णांची संख्या ५४ आहे तर आतापर्यंत कोरोना आजारामधून बरे झालेल्या रुग्णांची संख्या ५६ आहे.

आज प्राप्त झालेल्या माहितीनुसार ब्रह्मपुरी शहरातील दोन रुग्णांचा यामध्ये समावेश आहे. भवानी वार्ड येथील २७ वर्षीय पुरुष व २३ वर्षीय महिलेचा समावेश आहे.
अन्य दोन रुग्ण गांगलवाडीचे असून यामध्ये ४९ वर्षीय पुरुष व ३७ वर्षीय महिलेचा समावेश आहे.

ब्रह्मपुरी तालुक्यातील वांद्रा येथील ३० वर्षीय पुरुष व २५ वर्षीय महिलेचा समावेश आहे. तालुक्यातील निलज या गावातून देखील तीन वर्षीय बालिका पॉझिटिव्ह ठरली आहे.तर चौगान येथील ३२ वर्षीय पुरुषाचा यामध्ये समावेश आहे.

आजच्या ८ बाधितांपैकी २ बाधित हे अनुक्रमे मुंबई आणि हैद्राबाद येथून आले आहे. तर अन्य ६ बाधित जोखमीच्या संपर्कातील आहे. सर्व बाधितांची प्रकृती स्थिर आहे.

जिल्हा आरोग्य यंत्रणेने दिलेल्या वृत्तानुसार चंद्रपूरमध्ये आतापर्यत २ मे ( एक बाधित ), १३ मे ( एक बाधित) २० मे ( एकूण १० बाधित ) २३ मे ( एकूण ७ बाधित ) व २४ मे ( एकूण बाधित २ ) २५ मे ( एक बाधित ) ३१ मे ( एक बाधित ) २जून ( एक बाधित ) ४ जून ( दोन बाधित ) ५ जून ( एक बाधित ) ६जून ( एक बाधित ) ७ जून ( एकूण ११ बाधित ) ९ जून ( एकूण ३ बाधित ) १०जून ( एक बाधित ) १३ जून ( एक बाधित ) १४ जून ( एकूण ३ बाधित ) १५ जून ( एक बाधित ) १६ जून ( एकूण ५ बाधित ) १७जून ( एक बाधित ) १८ जून ( एक बाधित ) २१जून ( एक बाधित ) २२ जून ( एक बाधित ) २३ जून ( एकूण ४ बाधित ) २४ जून ( एक बाधित ) २५ जून ( एकूण १० बाधित ) २६ जून ( एकूण २ बाधित ) २७ जून ( एकूण ७ बाधित ) २८ जून ( एकूण ६ बाधित ) २९ जून ( एकूण ८ बाधित ) ३० जून ( एक बाधित ) १ जुलै ( २ बाधित ) २ जुलै ( ४ बाधित ) आणि ३ जुलै (८ बाधित ) अशा प्रकारे जिल्हयातील कोरोना बाधित ११० झाले आहेत. आतापर्यत ५६ बाधित बरे झाल्याने सुटी देण्यात आली आहे. त्यामुळे ११० पैकी रूग्णालयात उपचार घेणाऱ्या बाधितांची संख्या आता ५४ झाली आहे. सर्व बाधितांची प्रकृती स्थिर असून त्यांच्यावर वैद्यकीय उपचार सुरू आहेत.