कोरोनाच्या विश्वसंकटात नारंडा वासियांची प्रधानमंत्री सहायता निधीस २० हजारांची मदत : राजुरा विधानसभा क्षेत्रातील ग्रामीण भागातून सर्वाधिक अर्थसहाय्य #covid-19 - Khabarkatta ✒ खबरकट्टा

                     Khabarkatta  ✒ खबरकट्टा

Reg.UAM No.MH08D0024084 खबरकट्टा फक्त न्यूज वेबसाईट नसून या माध्यमाच्या साहाय्याने सामाजिक, राजकीय, व्यासायिक, जाणिवेतून फक्त बातमी किंवा खबर याच्याही पलीकडे जाऊन जनमानसांना खंबीर उभे राहण्याचे सामर्थ्य देणारे व्यासपीठ - अभिषेक वांढरे, चंद्रपूर (एक वाचक) """जागरूक रहा : वाचत रहा""'

कोरोनाच्या विश्वसंकटात नारंडा वासियांची प्रधानमंत्री सहायता निधीस २० हजारांची मदत : राजुरा विधानसभा क्षेत्रातील ग्रामीण भागातून सर्वाधिक अर्थसहाय्य #covid-19

Share This
खबरकट्टा / चंद्रपूर : कोरपना -
     
आपल्या देशातच नव्हे तर संपूर्ण जगात कोरोना महामारीने धुमाकूळ घातला आहे त्यामुळे जगातील अनेक देशातील अर्थव्यवस्था डबघाईस आलेली आहे, त्यामुळे आपल्या देशातसुद्धा कोरोना महामारीतुन सावरण्यासाठी आपल्या देशाचे पंतप्रधान नरेंद्र मोदी यांनी देशातील जनतेला प्रधानमंत्री सहायता निधीत मदत जमा करण्याचे आव्हान केले होते त्याअनुषंगाने देशातील अनेक नागरिकांनी प्रधानमंत्री सहाय्यता निधीस मदत केली.
        
त्याच धर्तीवर भारतीय जनता पक्षातर्फे चंद्रपुर जिल्ह्यात अनेक गावांमध्ये मदत निधी जमा करण्याचे कार्य सुरू करण्यात आले होते,राजुरा विधानसभा क्षेत्रातील नारंडा गावामध्ये भाजयुमो जिल्हा सचिव आशिष ताजने यांच्या सोबत सत्यवान चामाटे,मंगेश तिखट यांनी २५०च्या वरती नागरिकांकडून वर्गणी जमा केली,त्यामध्ये एकूण २० हजार रुपये नारंडा येथील नागरिकांकडून जमा करण्यात आले.

कोरोनाच्या महामारीत जे कोरोना योद्धा आपल्या जीवाचे रान करून लढत आहेत व आपल्या देशाची  अहोरात्र सेवा करत आहेत त्यांच्या करिता एक छोटीशी मदत म्हणून गावातील नागरिकांनी मदत केली.

सदर मदत ही राजुरा विधानसभा क्षेत्रातील ग्रामीण भागातील सर्वाधिक मदत आहे  त्यामुळे माजी पालकमंत्री सुधीर मुनगंटीवार,माजी आमदार अँड.संजय धोटे,भारतीय जनता  पक्षाचे जिल्हाध्यक्ष हरीश शर्मा यांनी गावातील मदत निधी देणाऱ्या  नागरिकांचे व मदत निधी गोळा करणाऱ्या  पदाधिकारी यांचे अभिनंदन व आभार व्यक्त केले आहे.