4वर्षीय भाच्याची मामाने केली हत्या : गावकऱ्यांनी आरोपीस पकडून बांधून ठेवत दिला भयंकर चोप #4-year-old nephew murdered by uncle: villagers hold accused and hold deadly silence - Khabarkatta ✒ खबरकट्टा

                     Khabarkatta  ✒ खबरकट्टा

Reg.UAM No.MH08D0024084 खबरकट्टा फक्त न्यूज वेबसाईट नसून या माध्यमाच्या साहाय्याने सामाजिक, राजकीय, व्यासायिक, जाणिवेतून फक्त बातमी किंवा खबर याच्याही पलीकडे जाऊन जनमानसांना खंबीर उभे राहण्याचे सामर्थ्य देणारे व्यासपीठ - अभिषेक वांढरे, चंद्रपूर (एक वाचक) """जागरूक रहा : वाचत रहा""'

4वर्षीय भाच्याची मामाने केली हत्या : गावकऱ्यांनी आरोपीस पकडून बांधून ठेवत दिला भयंकर चोप #4-year-old nephew murdered by uncle: villagers hold accused and hold deadly silence

Share This
चंद्रपूर – तालुक्यातील वरवट या गावात  मामाने आपल्या चिमुकल्या भाच्याच्या डोक्यावर काठीने प्रहार करीत ठार केल्याची धक्कादायक घटना 27 जानेवारीला सकाळी घडली आहे.


सविस्तर माहिती नुसार आज सकाळी 4 वर्षीय दीक्षांत दिनेश कावळे हा आपल्या घराच्या अंगणात बहिणीसोबत खेळत होता, त्यावेळी दीक्षांतचा मामा रघुनाथ गेडाम याने अचानकपणे काठी हातात घेत दीक्षांतच्या पायावर नंतर त्यांच्या डोक्यावर काठीने जोरदार प्रहार केला, यामध्ये दीक्षांतच्या डोक्याला गंभीर दुखापत झाली व उपचारादरम्यान दीक्षांतचा मृत्यू झाला.



प्रत्यदर्शीनी आरडाओरडा केल्यानंतर गावातील नागरिकांनी रघुला पकडून, त्याचे हात पाय जवळच असलेल्या खांबाला बांधून त्याला चांगलाच चोप दिला.


घटनेची माहिती मिळताच दुर्गापूर पोलिसांनी तात्काळ घटनास्थळ गाठत आरोपी रघुनाथला अटक केली.रघुनाथने अचानक हा हल्ला का केला हे अजूनही गुदस्त्यात असून पुढील तपास दुर्गापूर पोलीस करीत आहे.