स्थानिक युवकांना जिल्ह्यातील उद्योगधंद्यामध्ये प्राधान्य द्यावे :राजु झोडे #localemployment #rajuzode

खबरकट्टा / चंद्रपूर :   

  

चंद्रपूर जिल्हा हा औद्योगिक जिल्हा असून येथे मोठ्या प्रमाणात कोडसा खाणी, सिमेंट उद्योग वीजनिर्मिती उद्योग तसेच इतर उद्योग आहे, परंतु स्थानिक युवकांना हेतू परस्पराने वर्षांनुवर्षे रोजगारापासून वंचित ठेवल्या जात आहे.

परिणामी जिल्यातील युवकांमधें बेरोजगारी प्रचंड वाढली आहे. तसेच वेकोलि ने कोडासा खाणी साठी अधिग्रहित केलेल्या गावामध्ये रोजगाराचे तसेच पुनर्वसनाचे प्रश्ण अजूनही सुटलेले नाही. म्हणून वेकोलिच्या खाणी व वीजनिर्मिती केंद्राचा कोडसा आधारित प्रक्रिया उद्योगाचा शासकीय तसेच खाजगी आस्थापना मध्ये स्थानिक युवकांना रोजगारासाठी प्राधान्य द्यावे. अन्यथा स्थानिकांकडून तीव्र आंदोलन करण्याचा इशारा उलगुलान संघटनेचे अध्यक्ष राजू झोडे यांनी जिलाधिकार्यांना दिलेल्या निवेदनात दिला आहे. 

     

याप्रसंगी रोजगारासंदर्भात मागण्याचे निवेदन भटाळी, पायली, चिंचोली, तिरवजा, किटाळी, वडोली, पद्मपूर या गावामधील स्थानिक युवकांनी कामगार नेते राजू झोडे यांच्या नेतृत्वात जिल्हा प्रशासनाला निवेदन देण्यात आले. या शिष्ठामंडळात बहुसंख्येने स्थानिक युवकांचा समावेश होता सोनु आगासे ,मनोज वाघारे, ईश्वर मुसळे ,प्रमोद खिरवटकर ,अरविंद साव ,नदिम रायपूरे ,अमोल साव ,अविनाश कातकर ,प्रदिप दुपारे ,बंडु लोहट,महेश पारखी ,पियूश चांदेकर आदि कार्यकर्ता होते.