नारंडा येथील सरपंच,उपसरपंच पदावर कायम : विभागीय अप्पर आयुक्त यांचा स्थग्नादेश - Khabarkatta ✒ खबरकट्टा

                     Khabarkatta  ✒ खबरकट्टा

Reg.UAM No.MH08D0024084 खबरकट्टा फक्त न्यूज वेबसाईट नसून या माध्यमाच्या साहाय्याने सामाजिक, राजकीय, व्यासायिक, जाणिवेतून फक्त बातमी किंवा खबर याच्याही पलीकडे जाऊन जनमानसांना खंबीर उभे राहण्याचे सामर्थ्य देणारे व्यासपीठ - अभिषेक वांढरे, चंद्रपूर (एक वाचक) """जागरूक रहा : वाचत रहा""'

नारंडा येथील सरपंच,उपसरपंच पदावर कायम : विभागीय अप्पर आयुक्त यांचा स्थग्नादेश

Share This
खबरकट्टा / चंद्रपूर : कोरपना ग्रामीण प्रतिनिधी -

कोरपना तालुक्यातील नांरडा ग्रामपंचायतिचे सरपंच, उपसरपंच व 2 सदस्य  यांना  घरपट्टी व पाणीपट्टी विहित मुदतीत न भरणे कारणावरून  जिल्हाधिकारी चंद्रपूर यांनी दिनांक 3 जून 2019 ला  पदासह सदस्यत्व रद्द केल्याचा आदेश पारित करून प्रशासकाची  नेमणूक करण्यात असल्याचे कळविले होते.  


नाममात्र घरपट्टी व पाणीपट्टी विहित मुदतीत भरता न आल्याने सरपंच उपसरपंच व दोन ग्रामपंचायत सदस्यांना त्यांचे पद व सदस्यत्व रद्दबाबत  सरपंच वैशाली बंडू गेडाम , उपसरपंच अनिल मंगल शेंडे , ग्रामपंचायत सदस्य रूपाली नीतेश भोंगळे व माया सुरेश शेंडे या चौघांनीही ग्रामपंचायतीची घरपट्टी व पाणीपट्टी थकविल्याने ग्रामपंचायत सदस्य सदाशिव महादेव पोटदुखे यांनी जिल्हाधिकारी चंद्रपूर यांच्याकडे ग्रामपंचायत अधिनियम 1985कलम 14(ह) कारवाईची मागणी केली असता प्रकरण दाखल करून चौकशी चौघांचेही पद व सदस्यत्व रद्दबातल करून आदेश केल्याने गटविकास अधिकारी पंचायत समिती कोरपणा यांनी नांरडा ग्रामपंचायतीवर डी टी मुकाडे यांची प्रशासक म्हणून नियुक्ती केली होती. 

या आदेशावर सरपंच वैशाली बंडू गेडाम,उपसरपंच अनिल शेंडे,ग्रामपंचायत सदस्य माया शेंडे यांनी नागपूर विभागीय अप्पर आयुक्त यांचेकडे अपील सादर केली असता नागपूर विभागीय अप्पर आयुक्त ए एस आर नायक यांनी सर्व अपिलार्थी यांचे अर्ज, मौखिक युक्तिवाद,  जिल्हाधिकारी चंद्रपूर यांनी पारित केलेला आदेश व अर्जासोबतचा अभिलेख या सर्वांचे अवलोकन करून अपिलार्थी च्या युक्तिवादात तथ्य आढळून आल्याचे नमूद करून अपिलार्थी चा अर्ज मंजूर  करून पुढील आदेशापर्यंत जिल्हाधिकाऱ्यांच्या आदेशाला स्थागिती दिली आहे.