खबरकट्टा / नागपूर :
दत्तवाडी येथील वृद्ध दाम्पत्याच्या हत्येचे कोणत्याही प्रकरनाचे धागेदोरे नसताना १८ तासांच्या आत घटनेचा पर्दाफाश करण्यात नागपूर शहर पोलिसांना यश आले आहे. या गुन्ह्यात मृतक दाम्पत्याची आयटी इंजिनियर असलेली दत्तक मुलगी आणि तिचा क्रिकेट खेळाडू बॉयफ्रेंडला पोलिसांनी अटक केली आहे.
मो.इकलाक मुस्ताक खान (वय २३ रा. वडधामना.नागपूर) व ऐश्वर्या उर्फ प्रियंका शंकर चंपाती (वय २५, राहणार सुरक्षानगर दत्तवाडी, नागपूर) अशी आरोपींची नावे आहेत.मालमत्तेच्या वादातून या दोघांनी त्याची हत्या केल्याची पोलीसांना संशय आहे.
मुलबाळ नसल्याने वृद्धपकाळात सांभाळ करण्यासाठी ज्या मुलीला दत्तक घेतले, जिच्यासाठी प्रॉपर्टी जमविली तिनेच घात करावा, हा येथे चिंतनाचा विषय ठरला आहे.
१)शंकर चंपाती यांचा दत्तवाडी चौक डिफेन्स गेटजवळ टपरी लावून नारळपाणी विकण्याचा व्यवसाय होता.त्यांच्यावर तीन ते चार महिन्यापूर्वी दुकानात असताना हल्ला करण्यात आला होता. याची त्यांनी वाडी पोलिसात तक्रार केली होती. नंतर घरी जात असताना एकेदिवशी रस्त्यात त्यांना अनोळखी गाडीने त्यांना धडक दिली होती. नंतर त्यांना धमकीही देण्यात आली होती. या दोन्ही घटनांमागे प्रियंकाचा हात असल्याचा पोलिसांना संशय आहे.
२) प्रियंकाने घटनेच्या दिवशी वृद्ध मातापित्याना सकाळी नाश्त्या मध्ये गुंगीचे औषध दिले .त्यानंतर दुपारी एकच्या सुमारास प्रियंकाने तिचा प्रियकर इकलाक खानला घरी बोलविले व वृद्ध बेहोश असल्यामुळे त्यांच्या डोक्यावर वार करून टोकदार शस्त्राने शंकर चंपाती यांचा गळा कापला. घरी एक कुत्रा होता व त्याचा आवाज न येण्यासाठी प्रियंकाने कुत्र्याला शांत करून ठेवले होते. दोघांना ठार केल्यानंतर इकलाक व प्रियांका घरून निघून गेले.
